2018: ஒரு பின்னோக்கிய பார்வை

பட மூலம், Selvaraja Rajasegar

2018ஆம் ஆண்டு ‘மாற்றம்’ பல்வேறு விடயப் பரப்புகளில் கட்டுரைகளை வெளியிட்டிருந்தது. மஹிந்த ராஜபக்‌ஷ ஆட்சிக் காலப்பகுதியில் போரை காரணம்காட்டி அபகரிக்கப்பட்ட பாணம மக்களின் காணிகள் நல்லாட்சி அமைச்சரவையில் தீர்மானம் நிறைவேற்றப்பட்டும், நீதிமன்றம் உத்தரவு வழங்கியும் இன்னும் மக்களிடம் கையளிக்கப்பட்டாமல் இருப்பது குறித்து களத்துக்கு விஜயம் செய்து புகைப்படங்களுடன் மாற்றம் கட்டுரைகள் வெளியிட்டிருந்தது.

காணாமலாக்கப்பட்டோரின் உறவுகளால் கிளிநொச்சியில் மேற்கொள்ளப்பட்டு வரும் போராட்டத்தின் ஒரு வருட பூர்த்தியை முன்னிட்டு, 365 நாட்களாக உறவுகளை ஏந்தியிருக்கும் கைகள்… என்ற தலைப்பில் புகைப்படக்கட்டுரை வெளியான அதேவேளை, வலிந்து காணாமலாக்கப்பட்டோருக்கான சர்வதேச தினத்தை முன்னிட்டு யோகரதி மற்றும் தர்மராணி ஆகியோரின் கதையை 360 டிகிரியில் சுழலும் வகையிலான வீடியோ வடிவில் (விர்சுவல் ரியாலிட்டி ஹெட்செட் மூலமும் இதனைப் பார்க்கலாம்) பதிவுசெய்திருந்தது.

நுண்நிதிக் கடனால் பெண்கள் எதிர்நோக்கி வரும் இன்னல்கள் குறித்து மாற்றம் பல கட்டுரைகளை வெளியிட்டதோடு முல்லைத்தீவு மாவட்டத்தில், தொழில் முயற்சிகளை மேற்கொள்வதற்காகவும், கணவனின் வன்முறையைத் தாங்க முடியாமலும், வாங்கிய கடனை திருப்பிச் செலுத்துவதற்காகவும், அடமானத்தில் உள்ள பொருட்களை மீட்பதற்காகவும், வீட்டைக் கட்டுவதற்காகவும் என நுண்கடன் வழங்கும் நிதிநிறுவனங்களிடமிருந்து கடன் பெற்றுக்கொண்டு தற்கொலைக்கு முயன்று காப்பாற்றப்பட்ட, தலைமறைவாக வாழ்ந்துவரும் 6 பெண்கள் அனுபவித்துவரும் இன்னல்களையும் பதிவுசெய்துள்ளது.

கோயிலுக்குள் 3 நாட்களாக தேங்காயும், பழமும் தண்ணீரையும் உணவாகக் கொண்டு வாய்பேச முடியாதவராக நடித்து கொழும்பிலிருந்து சிலாபம் உயிர் தப்பி சென்ற ஜெகதீஸ்வர சர்மாவின் அச்சம் தரும் பதிவை கறுப்பு ஜூலையின் 35 வருட பூர்த்தியை முன்னிட்டு நாம் பதிவுசெய்திருந்தோம்.

அதேபோன்று 70ஆவது சுதந்திர தினம், 35 வருட கறுப்பு ஜூலை பூர்த்தி, 70ஆவது சர்வதேச மனித உரிமைகள் தினம், சர்வதேச தகவல் அறியும் தினம், முஸ்லிம் விவாக விவாகரத்து சட்டத்தால் பாதிக்கப்பட்ட பெண்களின் குரல் என பல வீடியோ நேர்க்காணல்களும் 2018ஆம் ஆண்டில் வெளிவந்திருந்தது.

கலைஞர் கருணாநிதி மறைவு, முஸ்லிம் விவாக விவாகரத்து சட்டம் பற்றிய பார்வை, LGBTIQ சமூகத்தினரின் உரிமை, “டீமன்ஸ் இன் பாரடைஸ்” திரைபடம், தோட்டத் தொழிலாளர்களின் உழைப்பில் 20 இற்கு மேற்பட்ட தரமான தேயிலைத் தூள்கள் உற்பத்தி செய்யப்படுகின்ற போதிலும் இதுவரை காலமும் தரம் குறைந்த தேயிலைத்தூள் தொழிலாளர்களுக்கு வழங்குவது போன்ற பதிவுகளை மாற்றம் வெளியிட்டிருந்தது.

மிக முக்கியமாக கடந்த ஒக்டோபர் மாதம் 26ஆம் திகதி ஜனாதிபதி மைத்திரிபால சிறிசேனவால் மேற்கொள்ளப்பட்ட அரசியலமைப்பு சதி நடவடிக்கை தொடர்பாக மாற்றம் பல கட்டுரைகளையும் வெளியிட்டிருந்ததோடு, எமது சகோதர தளமான கிரவுண்விவ்ஸில் வெளியான கட்டுரைகளையும் மொழிபெயர்த்து வெளியிட்டிருந்தது.

2018ஆம் ஆண்டு மாற்றம் தளத்தில் வெளிவந்த கட்டுரைகள், மொழிபெயர்ப்புக் கட்டுரைகள், வீடியோ நேர்க்காணல்கள், ஊடக அறிவு தொடர்பான பதிவுகள் சிலவற்றை கீழே தந்திருக்கிறோம்.

கட்டுரைகள்

1. கழிவு

2. ஜனாதிபதி சிறிசேனவுக்கு வண்ணத்துப் பூச்சியிடமிருந்து ஒரு பகிரங்க கடிதம்

3. ஜனாதிபதி மைத்திரிபால சிறிசேனவிற்கு ஒரு பகிரங்க கடிதம்

4. விரல்கள்

5. டீமன்ஸ் இன் பாரடைஸ்’: தேசியவாதிகளின் குரல்கள் மாத்திரமே தமிழர்களின் அபிப்பிராயமல்ல

6. தன்பாலீர்ப்பினர் பற்றிய சமூகப்பார்வை

7. அன்பின் போதநாயகிக்கு,

8. 360 video | “மகன்களைத் தேடாமல் இருப்பது கொடுமையான வேதனை”

9. 360 Video | “நான் செத்த பிறகு பேரனை யார் தேடுவார்கள்?”

10. ஈழத்துக்கும் இவரே கலைஞர்!

11. மர்சூப் அறிக்கை ஷரிஆ சட்டத்திற்கு முரணானதா?